Showing posts with label आई श्री चालकनेची माँ. Show all posts

Friday, 12 April 2019

चाळकनेची आवङ वंदना**

Written by चारण शक्ति on April 12, 2019 in आई श्री चालकनेची माँ with No comments

**चाळकनेची आवङ वंदना**
*बाढाणे बङ देस में,चाळकनो इक गाम।
धोरा धूणी तापता,आवङ माँ रो धाम।।1।।
*कैर कंकैङी बोरङी,खैजङ जाळ वणीह।
आवङ मावङ चारणी,धोरा धाप धणीह।।2।।
*सिन्ध में रहता साहुवा,कुळ चारण कविराय।
मांड बसाई मावङी,थळवट धोरा मांय।।3।।
मादा रा सुत मामङा,सगत भगत हिंगळाय।
सगत पीढ हद सांतरो,सिन्ध बलुचा मांय।।4।।
*बंड सेठ इक बांठियो,मामङ मोसो दीन।
पुत्र विहुणा पांपळा,कांई करणो जीण।।5।।
*भरम भगत रा राखजो,लिजिय राखो मात।
सात फैरा दूं सांवठा,हिंगलाज रे जात।।6।।
*माता मन ममता घणी,मात सुणी आ बात।
इक देवूंला डीकरो,धीवङिया दूं सात।।7।।
*मामङ साहुवा मांड रा,आवङ माँ घर आय।
*मोहवरती मेहङु चारणी,गोद खिलावे माय*।।8।।
*विकरम संवत विचारणा,अठ सौ ऊपर आठ।।
चेत सुदा मंगळ नमी,मात उतरिया धाट।।9।।
*चाळक दाणु चालियो,सिंध धरा सूं धाय।
सिर धङ सूं सळटावियो,आवङ मायङ आय।।10।।
*आवङ थारो आसरो,धोरा मांही धाम।
चाळकनेची चाव सूं,सिमरो आठू याम।।11।।
*चाळकनेची चानणो,थलिया धोरा मांय।
भगता थां सूं विणती,दरसण करियो आय।।12।।
*मनरंगथळ री मावङी,मनङो रंग दे मात।
भगती तो भरपूर दे,करले आत्मसात।।13।।
आवङ माँ आशीष दे, और न चहिये मोय।
दया हरदम दाखिये,दास ज हूं म्है तोय।।14।।
*चाळकनो चावो कियो,अम्बे मायङ आप।
मनरंगथळ मरुथळ सथल,जपै उदियो जाप।।15।।
रचयिता:-उदयराज खिलेरी अध्यापक राउमावि सेसावा
जालोर
9828751199

चरण मोहि राखो चालकनेज,

Written by चारण शक्ति on September 25, 2017 in आई श्री चालकनेची माँ with No comments

कुल देवी श्री चाळराय के श्री चरणों में
🙏🏻🙏🏻🙏🏻🙏🏻🙏🏻🙏🏻🙏🏻

चरण मोहि राखो चालकनेज,
शरण तव छोरु जी हमेश।। टेर।।
विविध वृद ज्यूंही मो धारो,
चरण रो दीज्यो माँ सहारो।
कुपात्र जाण कर काँई,
मात न पूत मन मारयो।
उबारो आप रो जन देख,
चरण मोहि राखो चालकनेज ।।१।।
मति गति तू ही महामाई,
सकल संसार सकलाई।
विपत में याद तू आई,
बुद्धि दी पहले भरमाई।
दाता आप दो मो देश,
चरण मोहि राखो चालकनेज
।।२।।
ध्यान दो ग्यान दो धाता,
विमल जस की तू उपजाता।
सकल संसार की सरनी,
त्रिविध जग ताप की तरनी।
करम गति रेख को ना देख,
चरण मोहि राखो चालकनेज।।३।।
भणे "देव" ज्ञान भिखारी,
जता सह सिक्षा जगवारी।
महड़ू कुल की महतारी,
चरण थिर आ पड्यो थारी।
जनम के दोस को ना देख,
चरण मोहि राखो चालकनेज।। ४।।

रचित
देवराज सिंह जाड़ावत
ठिकरिया कविराय
बूंदी

माँ महामाया करणी जी महाराज की आरती श्री चरणों में

Written by चारण शक्ति on September 25, 2017 in आई श्री चालकनेची माँ with No comments

माँ महामाया करणी जी महाराज की आरती श्री चरणों में
🌹🌹🌹🌹🌹🌹🌹
*राग /तर्ज आरती कुन्ज बिहारी की* हरी ओम शरण album प्रेमांजली पुष्पांजलि

आरती मेह दुलारी की, जयति सज्जन भय हारी की।। टेर।।

जयति जय धन जंगल धरणी,
चरित किये अमिट जहाँ करणी।
तारणी ताप हारणी श्राप,
जयति जय जय अघ हरणी की।।१।।
आरती मेह दुलारी की.....
मात तुम ज्ञानवंत गीता,
निमिष में अखिल विश्व जीता।
क्रूर किये दूर भक्त भरपूर,
जयति जय जय श्रुति बरणी।।२।।
आरती मेह दुलारी की.......
मात तुम गोधन हितकारी,
अमिय जन लीला विस्तारी।
अधम खल मेट स्वजन हित हेत,
जयति जय लोवड वरणी की।।३।।
आरती मेह दुलारी की.....
मात तुम मलेच्छन कीने दूर,
राष्ट्रकुल थरपे धरणी पुर।
विमल जस जोर फिरी चहुं और,
जयति जय करुणा करणी की।।४।।
आरती मेह दुलारी की......
मात तुम सेवक हित धाईं,
पूर्ण की सबकी मन चाईं।
बणिक की बेर शेख की टेर,
जयति जय संभल वरणी की।।५।।
आरती मेह दुलारी की......
मात तुम चारण कुळ तरणी,
धरणी जन *देव* सदा बरणी।
दया की धाम माँ पूरण काम,
जयति हिय पावन करणी की।।६।।
आरती मेह दुलारी की.......
🌹🌹🙏🏻🙏🏻🙏🏻🙏🏻🌹🌹

रचित
ठा. सा. देवराज सिंह जाड़ावत
ठिकरिया कविराय
जिला बूंदी (राज.)

बाढाणा बड़ देश में,चालकनो इक गाम

Written by चारण शक्ति on July 30, 2017 in आई श्री चालकनेची माँ with No comments

बाढाणा बड़ देश में,चालकनो इक गाम।
धौरा धुणी तापता,आवड़ मां रो धाम।।

कैर कंकैड़ी बौरड़ी,खैजड़ जाळ वणीह।
आवड़ मावड़ चारणी,धौरा धाट धणीह।।

सिन्ध में रहता साहूवा,चारण कुळ कविराय।
मांड बसाई मावड़ी,थलवट धौरा मांय।।

मादा रा सुत मामड़ा,भगत सगत हिंगलाय।
सगत पीठ इक सांतरौ,सिन्ध बलुचा मांय।।

बण्ड सैठ इक बांठियौ,मामड़ मौसो दीन।
पुत्र विहुणा पांपळा,कांई करणौ जी'ण।।

भरम भगत रा राखजौ,लिजिया राखौ मात।
सात फैरा दिया सांवठा,हिंगलाज के जात।।

माता मन ममता घणी,मात सुणी आ बात।
इक देवुंला डिकरौ,धिवड़ियां दूं सात।।

मामड़ साहुवा मांड रा,आवड़ मां घर आय।
मौहवरती मेहड़ु चारणी,गौद खिलावै माय।।

विकरम संवत विचारणा,अठ सौ ऊपर आठ।
चैत सुदा मंगळ नम,मात उतरिया धाट।।

चाळक दाणू चालियौ,सिन्ध धरा सूं धाय।
सिर सूं धड़ सळटावियौ,आवड़ मायड़ आय।।

आवड़ थारौ आसरौ,धौरा मांही धाम।
चाळकनैसी चाव सूं,सिमरुं आठौ याम।।

चाळकनैसी चानणौ,थळिया धौरा मांय।
भगता थांसूं विणती,दरसण करियौ आय।।

....................
जय माताजी
जय चालकनेची माँ।

चारण समाज ही नहीं सभी शक्ति उपासकों के लिए अत्यंत प्रसन्नता का विषय

Written by चारण शक्ति on March 10, 2017 in आई श्री चालकनेची माँ

चारण समाज ही नहीं सभी शक्ति उपासकों के लिए अत्यंत प्रसन्नता का विषय

चारण समाज ही नहीं सभी शक्ति उपासकों के लिए अत्यंत प्रसन्नता का विषयरण समाज ही नहीं सभी शक्ति उपासकों के लिए अत्यंत प्रसन्नता का विषय है कि राजस्थान सरकार द्वारा हाल ही में वित्तीय वर्ष 2017-18 के लिए घोषित बजट में चालकना में मातेश्वरी का पैनोरमा निर्माण कराये जाने की घोषणा की गई है।
   इस घोषणा के प्रैरणा स्रोत हमारे समाज के गौरव राजस्थान
धरोहर संरक्षण एवं प्रौन्नति प्राधिकरण के अध्यक्ष श्री ओंकार सिंह लखावत है।
    इस पैनोरमा में मातेश्वरी का इतिहास ड्राविंग,पेंटिंग, आडियो,विडीयो,पुस्तकों आदि द्वारा भक्तों को सुलभ होगा।
   इस कार्य के लिए चारण समाज राजस्थान की यशस्वी मुख्यमंत्री श्रीमति वसुंधरा राजे सिंधिया और ओंकार सिंह जी लखावत का आभारी है।
    हम सभी को निम्न संपर्क सूत्रों से कृतज्ञता अभिव्यक्त करनी चाहिए:-

Cmo ro mail
*01412227656*
*cmrajasthan@nic.in*

*vasundhararajeofficial@gmail.com*

*✍भवरदान चारण 9913083073*

चाळराय चाळकनेची रो डिंगळ गीत - कवि केसरदानजी खिडिया*

Written by चारण शक्ति on February 28, 2017 in आई श्री चालकनेची माँ

चाळराय चाळकनेची रो डिंगळ गीत – कवि केसरदानजी खिडिया

*॥गीत – प्रहास साणोर॥*

चरै मां संदशा करै डसण विधि   चोगणी,
      खसण विध नोगणी धरै खूनां।
सोगणी   खितारै धाक चढि आसुरां,

जोगणी चितारै वयण जूनां॥1॥

आज   म्है आविया माढ पग   अबरखे,
      डबर कै छांडि पग मती डागो।
दीसहत   खबर कै घणो जग   देखसी,
      बीसहथ जबर कै देखि बागौ॥2॥

कवळ   कतळावियो जेम खाटक   करै,
      जिको अतळावियो केम जावै।
मात   बतळावियो   बोलियो   मातसूं,
    मेछ पतळावियो कठे मावै॥3॥

मात   हिंगळाज   सूं अकर चढ मकरियो,
      चकरि चढ हकरियो रुधिर चगतो।
बिकट   चसमांण   जमदूत   गत   बकरियो,
    डकरियो गजब असमाण डिगतो॥4॥

हाँक   नवलाख   री हेक जिम हुचकै,
     थिरत भव लाखरो हेक थायो।
आप   सब   लाखरो रुप कर आहुडै,
     इतै नवलाख रो रुप आयो॥5॥

मेछ डंड कड़ड़ नासा ठड़ड़ हड़ड़ मुख,
ब्रह्म पुड धड़ड़ गज गड़ड़ बागो।
धूत पत तनिक जिम जड़ड़ खंच शूळ धर,
भूतपत धनक जिम बड़ड़ भागो॥6॥

पाट   तौ   तणां विरद किसूं केहर पुणै,
      थाट पत तणां ब्रद सथर थाया।
चाळकै    दैतनूं     मारियो    चंडिका,
    रुप थाहरा नमो चाळराया॥7॥

*कवि केसरदानजी खिडिया*

आरती जय मां चालराय

Written by चारण शक्ति on February 28, 2017 in आई श्री चालकनेची माँ

आरती
*जय मां चालराय*

कुळदेवी मंगळ याद करुं छुं याद करुं त्यां आवजे.
विपदा विडारण धर्म धारण जरा वार न लावजे.
देवी दयाळी मेहर करजे भांगे दुःख तुं भासती .
कुळदेवी मंगळ मात चालराय आजे उतारुं आरती.... 1
समर जीत देवणी देवी दैत्य तुं संहारती .
धरा तणो पाप वध्यो तुं ही क्षिण उबारती.
धर रुप अनेक देवी तुं तो अळग नामे ओळखावती.
कुळदेवी मंगल मात चालराय आजे उतारुं आरती.......2
लाल आँख्युं हाथे शस्त्र तुं चामुंडा कहावती.
देवी कृपाळी जोर भुजाळी तुं रवराय पुजावती.
मनमूरत सोवन गळे माळा दैत्य मुंडन सुहावती.
कुळदेवी मंगळ मात चालराय आजे उतारुं आरती...3
धर रुप विकराळ देवी तुं तो निज सेवगां संकट उबारजे.
कर जोड़ करे अरदास"दास" भवपार माड़ी उतारजे.
आवजे सेवगां साद तणी वार न लाजे महामति.
कुळदेवी मंगळ मात चालराय आजे उतारुं आरती.....4

प्रिंस देवल "दास" भलूरी बीकानेर
सादर जय माताजी
त्रुटि हेतु क्षमा

चरण मोहि राखो चालकनेज,

Written by चारण शक्ति on January 08, 2017 in आई श्री चालकनेची माँ with No comments

कुल देवी श्री चाळराय के श्री चरणों में टंकण का प्रथम प्रयास कँवर सा के साथ
🙏🏻🙏🏻🙏🏻🙏🏻🙏🏻🙏🏻🙏🏻

रचित
देवराज सिंह जाड़ावत
ठिकरिया कविराय
बूंदी

नव दिन नमो नोरतन

Written by चारण शक्ति on January 08, 2017 in आई श्री चालकनेची माँ with No comments

नव दिन नमो नोरतन, चाळराय मेहड़ू कुळ महमाया।।टेर।।
मंढ मनरंग थल सूं आई ऐ सगती *मेहड़वा* गांव रे माय।
आगे सरणे आपरे हेते *बाड़ी* सुभस बसाई।
*सरस्यो* *सोडावास* *देवरी* *खेड़ी* *खेडला* माई।
धिन कर धुर *जेथल्या* दरसो, *संचई* सुरराय।
*लिलेडे*लाल ध्वजा फरके, मोद *मंडावरा* मायं।
हरदम *मऊ* हरष कर विराजे, राज *ठीकरीये* गढ़ ठाई।
झाँझा सासण जहाँ तव भासण,शुभष बसों सुरराय।
*मेहड़ू* *खिड़िया* चाकर थारा, राखो चण्डी छतर छाया।
*मेहड़ू मदन* हरष कर अम्बे, चिरजा भेंट चढ़ाई।।
मेहड़ू कुळ महमाय......

रचित
ठा. सा. मदन सिंह जाड़ावत
ठिकरिया कविराय
जिला बूंदी (राज.)

मनरंग थल चाळकना मढ़ में माताजी के रास रमण का वर्णन

Written by चारण शक्ति on January 05, 2017 in आई श्री चालकनेची माँ with 1 comment

मनरंग थल चाळकना मढ़ में माताजी के रास रमण का वर्णन।

।।दोहा।।
जळ थळ सिमरे जोगणी,सिमरे नाग सुरेश।
यक्ष किन्नर जती सती,सिमरे ज चाळकनेश।1।
जमी थळवट जोगणी,अडग आसन अशेष।
पुरे श्वास उश्वास री,नमोज चाळकनेश।2।

।।छंद रोमकंद।।
धिन एकम आज भवानिय चौसठ,मात धरा मनरंग मळी।
अति आनंद आज भरयो रतनाकर,नेन अमी वरसात वळी।
सब शोभयमान हुवे सिंह ऊपर,आभ उडड्गण भोम भमे।
सिणगार सजे नवलाख सुशोभित,रात उजाळिय रास रमे।1।

असमान उगो शिव भूषण शीतल,मंद समीर ज धीर बहे।
धवळा रमणीक जचे धर ऊपर,चंद धरा उतरान चहे।
मनमोहक रात भई नवरात यु,जोगण जाजम जाय जमे।
सिणगार सजे नवलाख सुशोभित रात उजाळिय रास रमे।2।।

झळके पळके मळके अति आनन,खाळ अमी खळके ढळके।
पळके रखड़ी नग हीर पळोपळ,नीर सूची रळके जळके।
लळके सिर मेमद बोर छत्रों बिच,भाण उदोत ज जोत जमे।
सिणगार सजे नवलाख सुशोभित,रात उजाळिय रास रमे।3।

कर धार कटार सवार सबे किलकार करे खळ दळळ् खपे।
तलवार ज वार सहार निशाचर,धार जु शोणित आप धपे।
हलकार करे नवलाख हिळोमिळ,नाग सुरंदर तोय नमे।
सिणगार सजे नवलाख सुशोभित,रात उजाळिय रास रमे।4।

चटणी कर शुम्भ निशुम्भ निशाचर,कुम्भ निकुम्भ ज दैत्य दळे।
महिसासुर मार सहारज मामड़,आप समोवड़ कोण वळे।
अवनी प्रगटी सब भार उतारण,चारण तारण मात तमे।
सिणगार सजे नवलाख सुशोभित,रात उजाळिय रास रमे।5।

मदिरा भर प्यालिय हो मतवालिय,लाल रूपालिय दृग लसे।
कड़की जद कालिय बीस भुजालिय,होय क्रोधालिय जोर हंसे।
खमके खपरालिय बुढ़िय बालिय,जाजम ढालिय मात जमे।
सिणगार सजे नवलाख सुशोभित,रात उजालिय रास रमे।6।

कड़ड़ाट बजे घण पीठज केहर,गाज घटा गड़ड़ाट गती।
धड़के धड़ड़ाट धरा पग धारत,आभ गजे अड़ड़ाट अती।
हड़ड़ाट हँसे अरियो दल हेरत,खाग तणो खड़ड़ाट खमे।
सिणगार सजे नवलाख सुशोभित,रात उजाळिय रास रमे।7।

झटपट्ट झपटट् चपटट् तु चाळक,दाणव मार दपट्ट दिये।
खटपट् खट्टट खट्टट भृखे दळ,श्रोण सुघटट् प्रघट्ट पिये।
जमदट् उलटट् पुलटट् झटोझट मात हमम् मटट् वट हमे।
सिणगार सजे नवलाख सुशोभित,रात उजाळिय रास रमे।8।

फरगट्ट नचे थळवट्ट धरा पर,माथ मुगट्ट सुघट्ट जचे।
लटपट्ट घुमटट् ज वटट् पड़े वपु नट्ट जिमी उदभट्ट नचे।
रमझट्ट अमट्ट करे मिल चौसठ,भट्ट करी ब्रह्माण्ड भमे।
सिणगार सजे नवलाख सुशोभित,रात उजाळिय रास रमे।9।

बज ढोल धमंक धमंक धिधीकट,डाक डमंक रु शंख बजे।
खणके ज खमंक खमंक खरोखर,धींगज धींग मृदंग गजे।
उचरंग उमंग हुवे मनरंगज,दंग सबे नरतंग नमे।
सिणगार सजे नवलाख सुशोभित,रात उजाळिय रास रमे।10।

“जगमाल″जंजाळ दुआळ मिटे सब,बाळ विहाळ संभाळ लयो।
झट चाल उताळ कृपाळ वळोवळ,वाळ दुकाळ,सुकाळ दयो।
विकराळ विशाळ भुजाळ दया कर,भाळ दशा तुझ बाळ भमे।
सिणगार सजे नवलाख सुशोभित,रात उजाळिय रास रमे।11।

।।कळश छप्पय।।
मात रमे मनरंग,धरा बिच आप धिराणी।
मात रमे मनरंग,वेद शास्तर वखाणी।
मात रमे मनरंग,संग चौसठ सुरराणी।
मात रमे मनरंग,सकल ब्रह्मण्ड समाणी।
सवदसी रात मढ़ सोवणो,सगती मिळे चाळराय।
“जगमाल″किंकर तोय जपे,शरण पड़यो सुरराय।।

देवी जोगण चाळकनेच जयो

Written by चारण शक्ति on January 05, 2017 in आई श्री चालकनेची माँ with No comments

देवी जोगण चाळकनेच जयो

दोहा

चाळराय रै चाळरी, झाली सेवक झंब

वळियो दिन टळिया विघन, आंगण फळियो अंब।

दे झंझेड़ी रोग दुख, पग बेड़ी खळ पेच

तूं बालक तेड़ी तठै, नेड़ी चाळकनेच।

छन्द रोमकंध

सुभ भाळक दीठ संभाळक सेवग, झाळ बंबाळक रोस झडै़

विकराळक सींह चढै विरदाळक खेतरपाळक अग्र खड़ै

चक्ख नक्ख सरूप रचै चिरताळक दाणव गाळक संभू दयो

प्रतपाळक बाळक रोग प्रजाळक जोगण चाळकनेच जयो

देवी जोगण चाळकनेच जयो।1।

रण ताळक झाळ सत्रां सिर राळक के महीपाळक सेव करै

चमराळक सीस ढुळाळक चैसठ, तेज उजाळक भांण तरै

अकराळक घाट धताळक ओपत,थाट थटाळक आण थयो